قصه جميله

بالصوت من التبلد اللي بهت عليا منه.
ابتسمت بنصر لما سمعت الباب اتقفل وان اكيد راح الشغل بالتيشيرت اصل خبيت القميص اللي كواه امبارح واكيد مفيش وقت يكوي اي قميص تاني بداله.
وقفت في البلكونه عشان اشوفه وأملي عيني بالشماته. 
ال زوجه عاقله ال ههه مضحك.
ضحكت لما شوفته
يعيني عليك وعلي تشيرتك 
سكت لما خدت بالي تشيرته ! ده نفس الماركه اللي بتمسك علي الجسم وتبين تفاصيله شهقت لما افتكرت أن معاه بنات في الشغل.
ميلت بنصي علي سور البلكونه 
سيف !! 
دخلت علي طول اجيب القميص اللي خبيته و
اول ما فتح الباب رميته في وشه.
البس ده بسرعه معندناش رجاله تطلع كده.
بصلي وبص للقميص.
يعني كنتي مخبياه.
اها ويلا بسرعه غير.
اتجه للباب والله انا مفاضيلك.
سندت علي الباب بسرعه
انسي نزول كده مفيش استر نفسك الاول 
اما رأيك بقي هنزل.
اطنطت من الغيظ 
وحياة امي يا سيف ما هتنزل كده عشان يقعدوا يسبلولك واقعد اتحرق انا هنا بقي.
قبل ما يتكلم لمحت الشنطه الباك منزلها علي كتفه فشدتها بسرعه وبعدت عن الباب.
بصتله ببراءه
عايز تنزل انزل ..انا مش منعاك.
اخد القميص من الارض ودخل الاوضه
والله لوما اني متأخر كنت وريتك.
غاب خمس دقايق وطلع.
ابتسمت بتسمع كلامي اوي 
قرب وخبط علي خدي بټهديد
خليكي بقي صاحيه لحد ما اجي وحنجرتك المسرسعه دي متعلاش تاني في الشارع ودي حسابها لما اجي.
روقت الشقه وعملت الأكل بدري عشان الحق أنام قبل ما يجي رغم البرود اللي فيه لكن لما بيتعصب مبيعرفش حد وايده بتبقي طرشه.
بصيت للساعه لقتها قربت لمعاد رجعوه نطيت في السرير علي طول عدي ربع ساعه بالظبط وجيه.
ايلول
غمضت عيني بسرعه وكتمت نفسي في المخده 
قعد علي حرف السرير.
قومي كده عشان نتفاهم.
لنفسي نتفاهم ايه ده انت عايز جون سينا بعضلاتك دي.
قومي يلا .
قام وطلع من الشقه خفت ليكون زعل مني بجد وهيتبلد اكتر ما هو بارد.
بعد شويه الباب اتفتح
خشي يا بيبي.
هيههيي.
اټخضيت هيههيي ويابيبي!!
قمت بصړاخ سيف جايب ستات في بيتي يا خاېن يا منحط.
كان مبتسم وبيشقلب التليفون في الهوا وطالع منه الصوت ده.
پخوف ينهاري انا ضعت 
قبل ما الف واجري كان مسكني.
قوليلي بقي يا حلوه الكلام كان علي ايه امبارح 
بلعت ريقي پخوف
ک..كان علي ابقي هاديه ومتعبكش.
وانا ملقتش احلي من الجنان اللي بتتمنيه وهشتغلك في الازرق.
وربنا ما يحصل هو فيه احسن من انك تكون راسي.
فلت من أيده وجريت عند كراسي السفره ووقفت عليهم 
شوف لو قربت خطوه كمان هطلع علي السفره نفسها واحړق قلبك عليها بفلوسك دي.
مش مهم.
قرب خطوه
والله لاهطلع بجد اهدي كده.
زعق بعصبيه
اهدي ازاي وانا معايا وحداه بتعمل حركات متخلفه تطلع تصرخلي في البلكونه الصبح وعياط طول الوقت ودلوقتي وقفالي ع كراسي ارحميني بقي كلمتك بمنتهي العقلانيه وفهمتك لكن أنت يهمك في ايه !.. ده انا لو متجوز واحده عندها 14سنه مش هتعمل كده. 
لأ صدقني هتعمل اكتر من كده.
قولتها بسماجه وسحبت نفسي علي الاوضه كلامه وجعني اوي اني ممكن ابقي حمل عليه أو فعلا اتسرعت لما وقفت اتجوزه ! ولا اني اوفر فعلا وبضايقه بتصرفاتي بس اي كان ازاي اعيش مع حد مش مقدرني وعلي طول نافر من تصرفاتي ! عارفه أنه بيتعب من الشغل وعارفه أنه شخص جاد وهادي بس أنا كمان مش طول الوقت بهزر ومستهتره كده زي ما بيقول دايما انا بحب اعمل كده عشان بحبه .. بحب اضحك معاه بحب اشوف ضحكته