قصه كامله
علطول .
حاضر يا ماما تصدقي انا خاېفة من حاجة واحدة بس .
خاېفة من ايه يا حبيبتي
خاېفة من غيرة مازن لما يعرف ان عاصم بيساعدني .
شطارتك بقي يا حبيبتي انك مش تخسري الاتنين لازم تحافظي علي علاقتك بمازن وعاصم في نفس الوقت .
ايوه يا ماما لكن ده صعب ومش سهل .
معلش يا حبيبتي علشان تحققي كل احلامك لازم تتعبي .
وبدأ يهتم بعمل كل المذكرات اللي ممكن تحتاجها في مذاكرتها وكان بيعمل نسخة مختصرة لكل محاضرة بعد تبييضها .
تاني يوم ذهب عاصم للجامعة وتلفت يمينا ويسارا في انتظار حضور
منار ولكنها لم تذهب الي الجامعة .
سألته صديقته امنية مالك يا عاصم متوتر وبتتلفت كتير ليه
امنية انت شكلك مستني حد ولسه مش وصل .
عاصم ايوه فعلا صح صح مستني عمرو صاحبي .
امنية عمرو !!!! مش مصدقة .
عاصم بتقولي ايه
امنية لا ابدا مش بقول حاجة .
بعد دقايق معدودة وصل عمرو ورحاب للمدرج وجلسوا بجوار عاصم مباشرة .
لاحظ عمرو توتر وارتباك عاصم فسأله عن السبب مالك يا عاصم انت متوتر كده ليه
لأ ده واضح عليك التوتر اوي .
لأ مش متوتر ولا حاجة او يمكن علشان مش نمت كويس البارح .
لأ يا عاصم انت متوتر علشان صحبتك مش جات النهاردة .
قصدك مين
منار طبعا قصدي منار يا عاصم .
صحيح انت متعرفش هي ليه مش جات النهاردة
لأ والله معرفش .
طيب ما تسأل رحاب .
رحاب متعرفش عنها حاجة . اتصل انت واطمن عليها يا عاصم .
ضحك عمرو بصوت عالي اوي وقال ايه يا بني اللي انت فيه ده !!!!!
عاصم في ايه مش فاهم
عامل فيها واد حبيب وبتحب علي نفسك وكلمت البت اكتر من مرة و بعد كل ده مش اخدت رقم تليفونها لحد دلوقتي !!!
انت بتتريق عليا يا عمرو
سوري يا عاصم انا اسف بس الحقيقة انت غريب اوي .
انت زعلت يا عاصم ولا ايه خلاص بقي انا اسف .
مرت عدة ايام حتي جاءت منار الي الكلية .
رواية احلام قاټلة
للكاتب عادل عبد الله
الحلقة ٨
عامل فيها واد حبيب وبتحب علي نفسك وكلمت البت اكتر من مرة و بعد كل ده مش اخدت رقم تليفونها لحد دلوقتي !!!
انت بتتريق عليا يا عمرو
انا غلطان اني كلمتك في الموضوع ده .
انت زعلت يا عاصم ولا ايه خلاص بقي انا اسف .
مرت عدة ايام حتي جاءت منار الي الكلية .
بمجرد ان رأها عاصم ظهرت عليه علامات الشوق واللهفة وتأكدت حينها منار ان فريستها عاصم وقعت في شباكها .
عاصم معقول يا منار غيابك ده كله !!
منار ما انا قولتلك اني مش هجي الكلية كتير علشان الشغل .
حتي مش معايا تليفونك علشان اطمن عليكي .
انت اللي مش طلبت وعموما خد رقم موبايلي اهو علشان تكلمني وقت ما تحب .
انا جهزتلك كل الملخصات اللي محتاجاها .
تمام يا عاصم ممكن تيجي تذاكر معايا ولا هعطلك كده
لا ابدا مفيش اي عطلة بالعكس لكن هنذاكر فين
عندي في البيت .
وباباكي ومامتك موافقين
بابا مش عايش معانا وماما انا قولتلها وهي وافقت .
تمام تحبي نبدأ امتي
في اي وقت تحبه .
نبدأ بكره
تمام .
في اليوم التالي بعد انتهاء المحاضرات عاد عاصم الي المنزل وبعد تناول الطعام ارتدي عاصم ملابسه واخذ كتبه وهم بالخروج من المنزل تعجبت والدته وسألته واخد كتبك ورايح فين يا عاصم
هروح اذاكر مع زمايلي .
تذاكر مع زمايلك !!!! اول مرة يا عاصم تذاكر مع زمايلك !!!!
مذاكرة الكلية تختلف يا ماما عن المدرسة .
وانت شايف انك هتستفيد كده اكتر من مذاكرتك لوحدك
ايوه يا ماما اكيد .
طيب ما تخلي زمايلك ييجوا يذاكروا هنا معاك
لأ المكان عندهم احسن .
طيب ممكن اعرف مين زمايلك اللي هتذاكر معاهم وهتذاكر معاهم فين
في بيت زميلتنا اسمها منار .
هتذاكروا شباب وبنات مع بعض !! وفي بيت بنت كمان !!!
ايوه يا ماما فيها ايه !!
انا مش مرتاحة يا عاصم لكده الافضل انك تذاكر لوحدك زي ما انت طول عمرك متعود .
طيب سبيني اجرب واشوف .
انا بس .
يعني انت وبنت هتذاكروا لوحدكم واهلها موافقين !!!
ايوه ده مؤقتا وبعدين هنضم باقي زمايلنا معنا .
كلمني بصراحة يا عاصم انت بتحب البنت دي
ارتبك عاصم واحمر وجهه خجلا حب ايه يا ماما لا طبعا دي زميلتي بس مش اكتر .
انت متأكد
ايوه يا ماما متأكد طبعا .
طيب انا مش عاوزاك تشغل نفسك بحاجة تانية غير مذاكرتك لحد لما تخلص كليتك وبعدين اعمل اي حاجة انت عاوزها .
حاضر يا ماما .
ذهب عاصم الي منزل منار وكان في منتهي الارتباك والخجل واستقبلته مامت منار بالترحاب اهلا وسهلا يا حبيبي اتفضل البيت بيتك .
دخل عاصم وجلس في خجل فلأول مرة يكون في مثل هذا الموقف .
مامت منار انا عاوزاك مش تتكسف وتاخد راحتك علشان تعرفوا تذاكروا علفكرة منار بتشكر فيك كتير و قالتلي كلام حلو عليك كتير .
كاد عاصم ان يطير فرحا عندما سمع تلك الكلمات من مامت منار .
احضرت مامت منار العصير والكيك لزوم الضيافة ثم تركتهم في غرفة منار ليستكملوا مذاكرتهم !!!
جلست منار في مقابل عاصم وبدأ يشرح لها النقاط المهمة في كل درس و خلال وقت بسيط استوعبت منار عدة دروس سريعا بلا مجهود .
واثناء شرح عاصم لمنار كانت نظرات عينه لها لا تنقطع متفحصا كل ملامحها لتحفر تلك الملامح في قلبه البكر الذي لم يعرف الحب من قبل .
ولم يكدر صفو هذا الجو المبهج الا تليفون منار الذي تكررت عدد مرات رناته بشكل مزعج مما دفع عاصم لسؤالها مين اللي كل شوية يتصل ده
لا مفيش دول اصحابي .
اصحابك بيتصلوا بيكي كتير كده
ايوه عادي .
وانا اعرف اصحابك دول بقلم عادل عبد الله
لا لا دي كام بنت صحباتي بعيد عن الكلية .
وبعد انصراف عاصم سألت سلمي ابنتها منار ايه الاخبار فهمتي منه كويس ولا خسارة فيه الكيك والعصير
الصراحة يا ماما فهمت منه بسرعه بطريقة مذهلة !! الولد ده لما يتخرج لازم يبقي معيد في الجامعة .
ياااه للدرجادي !!
ايوه يا ماما .
عندك حق بس شرحه للدروس يا ماما حلو اخر حاجة .
طيب حاولي كل مرة ييجي يذاكرلك فيها تفهمي منه اكتر حاجة علشان مش يفضل داخل وخارج من البيت علشان كلام الناس .
حاضر يا ماما .
حاولت أمنية لفت انتباه عاصم لها ولكن لعدم خبرتها فشلت !!!
الانسان الوحيد الذي لاحظ حب أمنية لعاصم وكتمانها ولوعتها هي صديقتهم رحاب التي قالت لها مالك يا أمنية شكلك متضايقة اوي
لأ ابدا مفيش حاجة يا رحاب تعبانه بس شوية .
انا عارفة اي اللي تاعبك .
ايه
عارفة انك بتحبي عاصم .
ايه
ايوه هو مش حاسس بيكي ولا عارف انك بتحبيه . بقلم عادل عبد الله
ايوه يا رحاب وده اللي هيموتني .
طيب خلاص سيبي الموضوع ده عليا .
لا يا رحاب اوعي تقوليله .
ليه
مش عاوزة ارخص
مشاعري خصوصا اني عارفة انه معجب بمنار .
بالعكس يا امنية المشاعر الجميلة لازم تظهر ومش تفضل مدفونة بالشكل ده لو عندك جوهرة ومدفونة في التراب لما تطلعيها وتمسحي التراب من عليها هيبان ويظهر جمالها الحقيقي .
لا يا رحاب ارجوكي بلاش تقوليله .
طيب مش هقوله بس بشرط .
ايه هوه
شرطي انك تسمعي كلامي في اي حاجة هقولك عليها بخصوص عاصم . انا لازم اخليه يشوف حبك له قدام عينيه الاعمي ده .
رواية احلام قاټلة
للكاتب عادل عبد الله
الحلقة ٩
لا يا رحاب ارجوكي بلاش تقوليله .
طيب مش هقوله بس بشرط .
ايه هوه
شرطي انك تسمعي كلامي في اي حاجة هقولك عليها بخصوص عاصم . انا لازم اخليه يشوف حبك له قدام عينيه الاعمي ده .
يعني اعمل ايه
سيبي لي نفسك وانا هقولك هتعملي ايه بالظبط .
عمرو سأل رحاب أتأخرتي اوي كده ليه
كنت بتكلم مع أمنية .
ما انا عارف انا قصدي كنتوا بتتكلموا في ايه كل ده
كلام بنات .
مش مصدقك لو مش عاوزة تقولي انتي حرة .
خلاص يا عم انت هتعملها زعله ولا ايه !! كنا بنتكلم عن صاحبك .
قصدك عاصم
ايه ده !!! صح برافو عليك .
ااااه انا توقعت كده بردو .
توقعت كده !!! ليه
علشان البنت دي شكلها بتحب عاصم .
ايوه يا عمرو بتحبه اوي .
لكن للاسف هو مش واخد باله منها خالص .
ايوه علشان مغفل .
لأ علشان صاحبتك خايبة مش عارفة تلفت نظره ليها .
قصدك علشان مؤدبة اوي ومش لها تجارب .
المهم انه مش عارف انها بتحبه .
طيب ما تحاول تلفت نظره لها يا عمرو .
وهيعرف ازاي بقي و البنت اللي اسمها منار شغلة كل تفكيره !!!
انتي اول حاجة لازم تخليه متلخبط علشان يبدأ يفكر فيكي كتير .
ازاي فهميني .
يعني احيانا تظهري اهتمامك به اوي واحيانا تهمليه خالص كأنه مش موجود .
لما اهمله يا رحاب مش هيعرف اني بحبه !!
بصي يا خايبة طول ما هو شايفك قدامه وبتتعاملي معاه كويس هتفضلي شئ عادي بالنسبة له ومش هياخد باله منك .
حاضر هحاول .
وقبل كل ده متزعليش مني لازم تهتمي بمظهرك شوية .
من ناحية اللبس ولا ميكاب
الاتنين مش لازم ميكاب كتير المهم الحاجة اللي تظهر جمالك .
بيتهيألي واحد مثقف زي عاصم مش هيهتم بالمظهر اوي .
مفيش راجل مش بيهتم بالجمال والمظهر اسمعي كلامي انا .
حاضر .
ردت بأرتباك مش فاهمة تقصد ايه
قصدي ما شاء الله عليكي النهارده شكلك روعة .
ميرسي اوي .
دخلوا المدرج وذهب عاصم ليجلس في مكانه مثل كل يوم لكن أمنية ذهبت لمكان اخر !!
تعجب عاصم وظل ينظر لها كل حين طوال المحاضرة حتي انتهت ثم سألها بعد المحاضرة انتي غيرتي مكانك ليه
لأ ابدا مفيش .
اكيد في سر
لأ ابدا انا بس بحب التغيير .
الحقيقة انتي النهارده مختلفة في كل حاجة .
ميرسي اوي ليك اسمحلي امشي علشان مستعجلة .
اندهش عاصم من اسلوب امنية الجديد معه .
تكررت مذاكرة عاصم لمنار عدة مرات عدة مرات حتي انتهاء امتحانات نهاية العام و نجحت منار بتقدير مرتفع .
عندما علم عاصم بنتيجته ونتيجة منار ظل ينتظر ان تتصل به لتشكره علي مجهوده معها او لتسأل عنه ولكنها لم تتصل .
حاول عاصم الاتصال بمنار عدة مرات حتي ردت
عليه اخيرا ...
الف مبروك يا منار النجاح .
ميرسي اوي الفضل
