قصه كامله
يرجعلك .
اتصلت عليكي كتير ومش بتردي !! قلقت عليكي اوي .
انت عارف يا عاصم شغلي واخد كل وقتي وبنعمل تجديدات في البيوتي سنتر .
ربنا يوفقك كان نفسي اشوفك هينفع نتقابل يا منار
صعب اوي يا عاصم انت عارف الشغل .
طبب حاولي ولو حتي اشوفك ساعة واحدة .
طيب هحاول .
عدت فترة من الاجازة و عاصم اشتغل ليوفر بعض مستلزمات الجامعة ولم تتصل عليه منار .
ازيك يا عاصم عامل ايه
تمام الحمد لله .
احنا عاملين رحلة مصيف اسبوع ياريت لو تيجي معانا .
معلش يا عمرو انا نزلت شغل ومش هقدر اروح معاكم .
ده في من اصحابنا في الجامعة كتير هيروحوا معانا .
معلش يا عمرو مفيش نصيب المرة دي .
انت حر لكن لو عرفت مين جاي معانا يمكن تغير رأيك .
منار .
بتتكلم بجد
ايوه .
لأ مش ممكن .
يا عم لو مش مصدقني اتصل بيها واسألها .
طيب خلاص اعمل حسابي معاكم .
ويوم الرحلة ركب عاصم وعمرو ورحاب وامنية اتوبيس الرحلة وانتظر عاصم منار ولكنها لم تأتي .
ضحك عاصم لعمرو وقاله شوفت مش انا قولتلك ان منار مش ممكن هتروح المصيف علشان شغلها
عمرو اللي اعرفه انها هتروح لكن مش عارف ليه مش جات لحد دلوقتي !!
اتحرك اتوبيس الرحلة حتي وصل الي شرم الشيخ وهناك صعد كل افراد الرحلة الي غرفهم و بعدها بدقائق معدودة فوجئوا بقدوم منار مع مازن !!!
بمجرد ان راها عاصم استشاط ڠضبا ثم قال لها منار !!! انتي جيتي امتي وازاي
لسه واصلين حالا انا ومازن .
انتي جيتي مع مازن
لاحظت منار ڠضب عاصم الشديد و خاڤت أن يبتعد عنها وبالتالي تحرم من مساعداته لها .
كان مازن حريص علي ان تكون منار معه طيلة الوقت ولكنها قالت له علفكرة عاوزين نقلل من وجودنا مع بعض بالشكل ده .
مازن ليه
علشان احنا مش جايين لوحدنا المصيف احنا جايين مع زمايلنا فالمفروض نكون كلنا مع بعض .
منار علشان كلام زمايلنا .
مازن لو عاوزاني اقولهم كلهم دلوقتي ان انتي خطيبتي اقول .
لا لا بلاش مش دلوقتي لما تبقي خطوبة رسمي يكون احسن .
انتي عارفة ان بابا رافض فكرة اني اخطب دلوقتي خالص مش قبل سنة رابعة علي الاقل ده لو مش بعد التخرج .
يبقي تسمع كلامي و نتعامل قدام الكل كزملاء مش اكتر .
مش قولتلك عاوزين نبقي كلنا مع بعض وسطهم مش لوحدنا .
صدقيني لو مش جيتي معايا هتندمي .
ضحكت منار وقالت طيب ماشي بس مش هنتأخر وهنرجع علطول .
اكيد .
لم تستطيع منار مقاومة اغراءات مازن المادية وعزوماته لها ده غير وعوده لها بعمل كمذيعة بعد التخرج عن طريق معارف والده فظلت طيلة يومين تقريبا مع مازن اغلب الوقت .
لم يستطع عاصم مقاومة طاقة الڠضب بداخله اكثر من يومين فأضطر لقطع الرحلة والعودة للمنزل !!!
رواية احلام قاټلة
للكاتب عادل عبد الله
الحلقة ١٠
وطيلة اليومين كانت ڼار الغيرة تأكل عاصم و منار غائبة عن نظره و هو يعلم بأنها مع مازن .
حسيت ان اعصابي تعبانة وجو الرحلة مش عاجبني مشيت .
لأ يا عاصم الحقيقة انك مشيت علشان زعلت أن منار مع مازن طول الرحلة .
طيب بتسأل ليه ما دام انت عارف .
انا خلاص مش هحب منار ولا اي بنت تانية هركز في مستقبلي وبس .
يبقي احسن يا عاصم كده احسن كتير .
انت بتقول كده يا عمرو علشان مرتبط برحاب وحالتك العاطفية مستقرة .
لا لا ابدا ولو مش مرتبط خالص هكون عند نفس الرأي انت شاب ممتاز له مستقبل رائع واكيد هتقابل البنت اللي تستاهالك ولو ركزت حواليك هتعرف مين اللي بتحبك بجد .
قصدك مين يا عمرو
أمنية طبعا دي واضحة زي الشمس .
لكن امنية مش هي البنت اللي بحلم بيها .
وبتحلم بمنار !! صح
ايوة .
للمرة الاخيرة هقولك مش انت فتي احلام بنت زي منار فتي احلامها شاب زي مازن هو ده الللي ممكن بنت زيها تفكر فيه وتحبه .
انت مصمم يا عمرو تضايقني !!
لأ انا مصمم اخليك تشوف الحقيقة .
مرت اجازة نهاية العام وعاد الجميع الي الكلية ولكنهم فوجئوا جميعا بتغير كبير في مظهر عاصم !!!
ايه رأيك كده احسن
ما دام عجبك يبقي حلو .
شكل النيولوك مش عجبك .
هوه حلو لكن الصراحة حاسة ان اللي انا شايفاه مش عاصم .
لأ اللي انتي شايفاه عاصم بشحمه ولحمه .
عندما رأه عمرو صديقه ضحك بصوت عال وقال له ايوه كده هو ده الكلام انت كده بقيت شاب روش .
قالت رحاب باستنكار لأ طبعا الاول كان احسن كتير .
عمرو ليه بتقولي كده
رحاب علشان الاول هو كان عاضم علي طبيعته وكان لايق شكله الكلاسيكي علي التزامه العلمي والاخلاقي انما دلوقتي هو عاصم المصطنع وانا متأكدة ان هو نفسه مش مرتاح في شعره لبسه الكاجوال .
بجد عجبك
اكيد كده احسن كتير قولي بقي لما اتصلت عليك كتير مش رديت عليا ليه
مش عاوز افرض عليكي نفسي .
ايه اللي انت بتقوله ده ! انت علفكرة مش فاهم اي حاجة .
اللي انا اعرفه اني اتصلت عليكي كتير ولما رديتي عليا اخيرا قولتيلي انك مشغولة علطول وبعد كده اتفاجئت بيكي في الرحلة و اللي اكتر من كده انك روحتي الرحلة مع مازن في عربيته وطول يومين كنتي معاه طول الوقت .
وده يزعلك في ايه يا عاصم
مادام انتي مشغولة علطول مع مازن يبقي مش عندك وقت ليا علشان كده بقولك مش هفرض نفسي عليكي .
وانا قولتلك انت مش فاهم اي حاجة .
فهميني انتي .
طيب اعزمني علي اي حاجة وانا هفهمك كل حاجة .
عاصم ومنار في احد الكافيهات القريبة من الجامعة ...
قوليلي بقي يا منار هتفهميني ايه
انا عاوزة افهمك ان مازن بالنسبة ليا مش اكتر من صديق .
انا كنت فاكر كده في الاول لكن مع الوقت اكتشفت انه اكتر من صديق .
اكتر من صديق ازاي يا عاصم تقصد اني بحب مازن مثلا
مش عارف لكن اللي متأكد منه ان مازن بالنسبالك مش صديق عادي .
طيب عاوزة افهمك حاجة مهمة اوي هتوضحلك كل حاجة .
اتفضلي .
انا مش بفكر في الحب والارتباط دلوقتي نهائي لازم ابني مستقلبي الاول واكون حددت حياتي وبعدين افكر في المواضيع دي .
ومازن بالنسبالك
مازن بالنسبالي زي اي صديق ليا بالعكس انت ممكن تكون اقرب ليا منه والدليل اني دخلتك بيتي وعرفتك علي ماما واخواتي
انا لسه بقولك اهو .
يعني انا اقرب ليكي من مازن .
ضحكت منار ايوه .
منار .
نعم يا عاصم .
انا بحبك .
يلا بينا يا عاصم نمشي انا اتأخرت .
انتي مش رديتي عليا
انا قولتلك يا عاصم اني مش بفكر في الارتباط دلوقتي .
وانا بكلمك عن الحب مش الارتباط .
الحب احساس يتحس مش كلام يتقال .
يعني ايه يا منار
مش عندي معني تاني لكلامي اقدر اشرحه .
وبعد ان زاد عاصم من وجوده بصحبة منار لم تستطيع أمنية تحمل هذا الوضع كثيرا وحاولت الابتعاد .
وعاد عاصم يتردد من جديد علي منزل منار ليساعدها في المذاكرة .
ام عاصم لاحظت التغير الكبير في عاصم خاصة بعد قربه من صديقته منار .
وذات يوم وعندما استعد عاصم للذهاب لمنزل منار سألته أمه انت رايح فين يا عاصم
رايح اذاكر مع منار .
بردو لسه مصمم .
وفيها ايه بس يا ماما
طيب استني لما البس واجي معاك علشان اتعرف عليها هي ومامتها وابقي ارجع معاك لما تخلصوا مذاكرة
رواية احلام قاټلة
للكاتب عادل عبد الله
الحلقة ١١
رايح اذاكر مع منار .
بردو لسه مصمم .
وفيها ايه بس يا ماما
طيب استني لما البس واجي معاك علشان اتعرف عليها هي ومامتها وابقي ارجع معاك لما تخلصوا مذاكرة !!!!!
بعد حوالي ٣ ساعات رجع عاصم مع مامته من بيت منار .
مامت عاصم قالتله دي اخر مرة تذاكر فيها مع البنت دي .
عاصم ليه يا ماما
البنت دي وامها ناس استغلاليين .
ليه يا ماما بتقولي كده
انا عندي خبرة في الحياة وبفهم في الناس اكتر منك ولو مش مصدقني جرب معاهم وانت تتأكد .
أجرب ايه يا ماما
البنت دي بتكلمك بس علشان مصلحتها ولو عرفت ان مفيش مصلحة منك هتبعد عنك علطول .
لا يا ماما الناس دول طيبين ومش كده ابدا .
لو ذاكرت معها تاني يا عاصم هكون ڠضبانة عليك بجد .
وبعد نزول عاصم ومامته من بيت منار وامها سألتها مامتها عاصم كانت جايب مامته معاه ليه
منار مش عارفة يا ماما يمكن كانت هتذاكر معنا و ضحكت اوي
ولا يمكن كانت عاوزة تخطبك لابنها وضحكت اوي .
مش عارفة يا ماما تفتكري كده
و بينما صوت ضحكاتهم تتعالي رن جرس الباب ففتحت منار لتجد
انذار من الضرائب بالحجز علي محلاتهم بسبب تأخرهم في سداد الضرائب المستحقة عليهم !!!
استقبلت ام منار الخبر بالصدمة ثم قالت لابنتها منار احنا اتخرب بيتنا يا منار .
في ايه يا ماما حصل ايه
الضرائب هتحجز علينا علينا مديونية للضرائب اكتر من ٦٠٠ الف .
هار اسود وبعدين يا ماما !!! احنا كده ضعنا وكل احلامنا ضاعت .
لازم نتصرف بأي طريقة مش هنسيب كل احلامنا تضيع .
هنعمل ايه يا ماما
كله من ام عاصم صحبك كان قدمها فقر جت وجابت معها الخړاب .
تصدقي صح يا ماما عندك حق اهم حاجة هنعمل ايه هنسيب احلامنا تضيع ولا هنجيب الفلوس منين
ما تحاولي تستلفي اي فلوس من عاصم ده
هو لاقي ياكل يا ماما !!
طيب مازن صحبك ممكن يسلفنا الفلوس دي
مش عارفة ياماما .
بيتهيألي ان معاهم فلوس اكتر من كده بكتير .
ايوه عندهم فلوس كتير اوي بس المبلغ كبير و بيتهيألي صعب انه يوافق .
لو مش وافق يبقي انتي فشلتي انك تخليه يحبك .
طيب انا هتصل بيه وهشوف .
مسكت منار تليفونها واتصلت علي مازن وطلبت تقابله فورا !!!
جلست منار في مقابلة مازن ثم بدأت تبكي والدموع تتساقط من عيونها فسألها مازن ايه ده !!! في ايه مالك يا منار
انا وماما واخواتي ضيعنا خلاص . بقلمعادل عبد الله
طيب اهدي يا منار واحكيلي حصل ايه .
الضرائب هتحجز علينا يا مازن .
ليه
علينا ٦٠٠ الف جنية ضرائب متأخرة لازم ندفعهم والا هيحجزوا علينا .
طيب وهتعملوا ايه يا منار
انا بكلمك دلوقتي علشان كده .
علشان ايه يا منار
علشان تساعدني وتسلفني الفلوس دي .
انتي
